آرشیف

درنوهیوادوالواو په ډنمارک کې میشتوعزتمنو او قدرمنو افغانانو !
د دوه دري کلونو راپه دی خوایوه اسلام دښمنه او هیواد خرڅونکی ډله په مستعار نومونو کله دشورای نظار(جمیعیت)  اوکله داسلامی حزب ترنامه لاندی دسمیرا احمدزی،اجمل اُمید اوملالی ځدران په مستعار نومونو په ډنمارک کې دیو شمیر هیواد پالو، روڼ اندو،اسلام او هیواد ته صادقو ملی شخصیتونوپرضد د فیسبوک د لاري بی بنسټه تورونه او بابیزی خپروی چې دهمدی ډول تبلیغاتوورته بیلګی دالفاظوپه بدلون سره کله ناکله په مسجد او شخصی مجلسونو کی هم د یو شمیر کسانو له خولي وځي .
   فکر کوم که دا لړۍ نوره هم و غځیږي ، په هکله به یی ورته غبرګونونه منځته راشی څو دغه اسلامي ضد او د افغاني ارزښتونو سره دښمنو څیری رسوا او اهداف یی ټولو ته څرګند شي . ځکه نو غواړم لاندي څو کرښی ستاسی درنو وطنوالو سره شریکی کړم او په اړه یې قضاوت تاسی ته پریږدم                                                                ۱-  په هیواد کي اوږده کلونه کیږی د جنګ اور بل دي چي په لمبو کي یی وچ او لانده دواړه یو ډول سوزي . ایا تاسو پدي موده کي ددغو کسانو له خولي نه ددغي غمیزه څخه د هیواد او خلګو د خلاصون په موخه کوم زړه سواند وړاندیز او یا کومه مناسبه طرح ارویدلې ده ؟ .                                                                                                                                                                     ۲ـ دافغانانو جهاد دهر بیګانه متجاوز او یرغل ګر پر ضد دخدای تعالی او رسول داحکامواجراکول دی او هر څوک چې دغه اصل نه منی هغه ته به څنګه افغان ووایو ؟ موږ دافغانانودجهاد ملاتړ اوستاینه کوو اما دجهاد په نوم ټیکدارانو، مافیایې کړیو، دهیواد داسلامی او ملی ارزښتونو خرڅونکو په کعبه شریف یانی دخدای تعالی او داسلام دمقدس دین په ارزښتناک عبادتګاه کې قسم خوړلو چې دجهاد په ارزښتونو یې ملنډی ووهلي ، دخپل منځی جګړو په ترڅ کې یې یوازی د کابل په ښار کي ۶۵۰۰۰ بی ګناه مسلمانان ووژل ، ایا پدی هکله مو ددغو فیسبوکي ډنډوره چیانو له خولې څخه یوه تشه یادونه ارویدلي ده ؟ مګر هغه څوک چي پدغه غمیزه باندي یې زړه خوږیږي ، دکمونست په نامه یې یادوی او سپکی سپوری ورته وایی .
 ۳-مسجد دخدای تعالی کوردی نه تنها یوازی افغانان بلکه هرمسلمان حق لری چې طاعت اوعبادت ورکې وکړی. دمحترم ملا حاجی صاحب احمد شاه دی کور ودان وی چې ددی مسجد په جوړیدو کې دبل هرچا نه خورا ډیر زحمت کښلی دی او موږ پری ویاړو او ځکه مو دامام په توګه پیژندلی ، د درناوی وړ یی بولو او لمونځ ورپسی کوو، چې دا خپله یو حرمت او دده دشخصیت ستایل دی . مسجد دخدای تعا لی کوردی چا چې لږیا ډیری پیسی په مسجد کې ورکړی هغه صدقه ده صدقه څوک بیرته نه شې اخیستی او نه پری څوک دملکیت دعوه کولی شې. د مسجد د امام په توګه موږ د حاجي صاحب احمد شاه دنده بولو چي هم د محراب له منځه او د قلم په مټ ددغه ډول فیسبوکچیانو خولي ور وتړي او پری نږدي چي د مسلمانانو او په تیره بیا د افغانانو تر منځ د کرکي او نفرت د اور  لمبو ته پکه ووهي                                                                     ۴- زموږ په اند دا هغه څه دي چي هم د خدای ( ج ) رضا ور سره حاصلیږي ، هم د مسجد تقدس ورباندي ساتل کیږي او هم پدي کار سره د ملا امام دیني وجیبه تر سره کیدلای شی .                                                                 ۵ـ زموږ په اند مسجد د ټولو ګډ کور ، ملا امام د کور مشر او ټول مقتدیان ددغی مقدسی کورنی غړي دي . ځکه نو ملا امام باید هیچا ته اجازه ور نکړی چي د کورنۍ یوه کشر غړي ته هم سپکاوۍ وشی او یا د کورنۍ د غړو یووالی او اتحاد ته زیان ورسیږي ، ځکه چي د ملا امام شخصیت د کورنی دمشر په توګه د دا ډول سپکاوی سره زیانمن او سپکیږي .  
   ۶ ـ زموږ مسجد د افغانانو د یووالي او اسلامي اتحاد مرکز دي . که هر څوک پاک افغانان په ناپاکو نومونو یاد کړي او پدې توګه ددغه یووالي او اتحاد پر ضد عمل وکړي ، هغوی د خدای او رسول دښمنان دي او ددغه ډول دښمنانو مخنیوي د مسجد شریف د ملا امام دنده چي د محراب د لاري یې په صالحه وعظ سره خپلو اسلامي ضد اعمالو ته متوجه کړي . که اصلاح شوه خو هدف تر لاسه سو او که بیا هم خپلو اعمالو ته دوام ورکړي ، نو د پاک خدای لعنت دي ور باندي ووایی او پاک خداي ته دي پریږدي .
    ۷ ـ که ملا امام صاحب پدي هکله چوپه خوله پاته شی نو د مقتدیانو باور او یقین به دده په هکله تر پوښتني لاندي راشي .                                                                                                                                

۸- موږډیری بیلګی لروکه وغواړو کولای شود رسمیاتو له لاری دغه حلقه پیداکړو خو دافغانی مصلحت،ملی یووالی او خپلوټولوهیوادوالوته ددرناوی په خاطرنه غواړودا مسئله پولیسواویا نورو رسمی منابعو سره مطرح کړو نودحسن نیت په نظر کې نیولوسره دمسجد د امام او تاسو مخورو سپینګیرو او مشرانو نه دا هیله لرو چې دغه کسان اصلاح کړی.                                                                                                                             ومن الله التوفیق                                                                                                        
شاه ولی ارین