آرشیف

زمالپاره فکرکوم ستاسو ټولولپاره به داسوال په مغذکي گرځي چې دا زموږ غيردولتی رسنې (راډيو،تلوېزيون ،ورځپاڼي ،اونېزي او . . . . )  چې مختاړی او وروستاړی یې ملي دی ،ځان خپلواک اوافغان ولس ته ژمن بولي ،داوايي چې موږ دحقيقت پلويان يو .اوس چې دافغان ولس پر ملی هويت دڅوگوتوپه شمارکسانو چې ځانونه په دروغو دنورو قومونواستازی بولي ،خوکه یې دژوندسابقې ته وگورې تر ۲۰۰۱  زکال چې امريکا افغانستان ته سر راښکاره کړ دپاکستاني ،ايرانی اويابل هيواد  ماشينگړي سره دجهادپه نوم دافغان  وژنه  دکليو اوشاروپه ورانولوکښي ترهرچا بريالي وه ،ځکه خودنړئ زياتواستخباراتی شبکودوي استخدام اومعاشونه یې ورکول  ،په غوښتنه اوداغوښتنه  هم په حقيقت کښي دهغوپردوپه هدايت ده کوم چې دافغان ولس هويت ورکولوته یې په بېلابېلو بڼوداڅولسيزي ملاتړلې . پاکستان دخپل منحوس جوړښت نه ،ايرانی اخوندان په ايران کي دسياسي واک ترلاسه کولونه وروسته غبردافغان ولس دهويت اوښېرازی سره دښمنې پيل کړه  .
خوددې ټولودشمنيوپروړاندي دازموږ ډله ايزو رسنيودحقايقودبيان پرخلاف نه پوهېږودکوموتحفو ترلاسه کولوپه مقابل کښي  چوپتياغوره بللې ده .ځکه خوزمور دولس اعتباراوباورپردې رسنيوکمېږي اوپرې بې باوره دي .
دښاغلی کرزی دحاکميت په ورستيوکي دوي پردې بريالي سول چې دافغانستان دتابعيت په پاڼه کي دافغان دکليمې سره خپله دښمنی دپردوپرسته پارلمان په مټ ترسره کړي .که څه هغه وخت  هم افغان ولس خپل کلک غبرگون ښکاره کړ اوپه پارلمان کي يوشمېر وطنپرست و کيلان له تالارنه ووتل ،خودامکاردښمن کرزی ترخور گوته نيولی وواودهگه په مرسته پردې افغان دښمنه کارتريوه بريده بريالی سول . ولې کرزی دملک دجمهوررئيس په توگه ددي قانون توشيح نن اوسباته ځندول ،هدف یې داوچي داکارهم  لکه نور کارونه په راتلونکی جمهوررئيس وکړي  . چې همداسي وسول اوپه ډاکتر اشرف غنی یې دامنحوص قانون لاسليک کړ . البته هغه وخت هم افغانانوپه خپل منځ کي پردې پرېکړه کړېم وه که چيري کرزی داقانون توشيح کړي نوافغانان به یې له توضع سره مخالفت وکړی او ولس به ديته راوبولی چې داډول بې هويته سند ترلاسه نکړي .اوس که ښاغلی اشرف غني خپله تاريخي تيروتنه اصلاح نکړي افغانان به داتذکره وانه خلی .ځکه ددې تذکرې اخيستل دبې هويتی منل اويوبې هويته انسان ،په ټولنه کښي کوم ارزښت نلري  . موږ پدي باوريوچي افغانان غيرتی ولس دی اودهمدي هويت پرسریې داڅولسيزي جگړه کړې ،اوس به څنگه هغه سندجيب ته واچوی په کوم کښي چې دهغه سپکاوی اوبې عزتی سوې وي .
زموږ ولس دخپل شتون دتاريخ په اوږدوکي دخپل ملي هويت نه دفاع کړې اودادفاع زموږ دولس داسي حق دي ، لکه زموږ پر ملي هويت ديرغلگرو پر وړاندي ملي مبارزه اوافغانی پاڅون . دملي هويت نه دفاع دافغانانو ملي وجيبه ده .