X

آرشیف

د افغاني جیولوجستانو ورځ او یوه خاطره
مارس 31, 2019

پوهنمل حاجی محمد نوزادی

دنبال کردن نویسنده
( لومړۍ برخه )
د نړۍ په ډیرو هیوادونو کي د هغو مسلکي کار کونکو له پاره چي د اړوند هیواد په اقتصادي ـ ټولنیزو او سیاسي یا دفاعي چارو کي د پام وړ رول لري ، د هغوي پنامه یوه ورځ ټاکي او ددغي لاري یې د چوپړ ارزښت په ګوته کوي . 
په افغانستان کي تر وروستیو درو لسیزو وړاندي د داسیي ورځو ټاکل دود نه وو . زه په خوښۍ سره ویلای شم چي په افغانستان کي د لومړي ځل لپاره ددغسي یوې ورځي د بنسټ ایښودونکي ویاړ لرم . د افغانستان « د جیولوجستانو ورځ » یادوم . که مي نیټه هیره نه وي ، په ۱۹۸۰ کال مي هغه وخت چي د کانو او صنایعو په وزارت کي د کانو او جیولوجي سروي رئیس وم ، د نوموړي وزارت د لاري مي د وزیرانو شورا ته پیشنهاد وړاندي کړ چي د حمل ( وري ) د میاشتي دوهمه جعمه د افغانستان د جیولوجستانو د ورځي پنامه و نوموي اود هر کال په کالهنداره ( جنترۍ ) کي یې درج کړي . دغه د وري دوهمه جمعه مي مي پدې خاطر غوره و ګڼل چی د حمل په دوهمه نیمه کي موږ د ساحوي کارونود پیل د پاره تیاری نیوی او جیولوجستانو به غرنۍ جامي لټولي او چکشانو ته به یې لاستي ورکول . سلطانعلي خان کشتمند چي د تپل شوي رژیم صدراعظم وو ، دا چي زموږ ټول وزارت یې نه خوښیده ، په هر کار کي یې د مور میرې چلند کاوه او په ځانګړي توګه یې زما څخه نفرت درلود ، د وړاندیز مخالفت یې وکړ او پر میز یې چپه کښیښود . خو زما بیا هیر نه وو ، د کشتمند ضعیف ټکی راته مالوم وو ، نو د وزارت د مشاورانو د لاري مي تعقیباوه او پر هغه مي فشار اچاوه . په پای کی مشاورانو کشتمند ته لارښودنه وکړه څو هغه و منی اود منظورۍ پړاوونه یې تیر کړي . هغه وو چي د وزیرانو شورا د ۱۰۸۱ کال په وروستیو کي وړاندیز تصویب کړ . پدې توګه دا په افغانستان کي لومړنۍ مسلکي ورځ وه چي جنترۍ ته ننوتل او هر کال په عملي توګه لمانځل کیدله . دا اوس هم د هیواد په لمریزو هغو جنتریو کی چي د دولت لخوا نشریږي ، دا ورځ په کي درج ده او زه پرې ویاړم .
له همدغې نیټۍ نه وروسته به مو هر کال یوه ورځ د مخه یاني په پنجشنبې به مو دا ورځ داسي لمانځله چي د غرمي نه مخکي به د راډیو تلویزیون مرکچیان له تلویزیوني کامرو سر زما دفتر ته راتله او د اړوندو چارو په اړه به یې ویدویي مرکه را سره کول . له یوې بجي وروسته مو دا ورځ د کابل پولي تخنیک په جمنازیوم کي د سلهاوو کسانو په ګډون د ډیرو شانداره او پرتمینو غونډو په ترڅ کی لمانځله . غونډه به داسی وه چي په پیل کي به ما دتیر کال د ټاکلي پلان د لاسته راوړنو او د نوي کال د موخو په اړه پوره ګزارش ور کاوه . بیا به د کانو او صنایعو وزیر د وزارت په کچه دا کړنی په ستاینو یادولي . وروسته به د وزیرانو شورا یوه مرستیال په لنډو کی څو کلیشه اي خبری کولی او تر ده به وروسته د ګوند د مرکزي کمیټې د اقتصادی چارو مسؤل څو فورمالیټي انتقادي یادووني هم وکړي . په دې سره به د ویناوو برخه پای رسیدل .
بله برخه په تفریحي وه چي د راډیو تلویزیون پیاوړو سندرغاړو به سندري ویلي او په منځ کي به جیولوجستانو شاعرانو لکه انجینر سلطان جان کلیوال او نورو به خپل ښکلي شعرونه په ترنم یا دکلمه کي لوستل . ددغي ورځي په ماښام به ټول جیولو جستان په یوه ستره میلمستیا کي را ټولیدل ، ډوډۍ به مو خوړل ، ټوکي ټکالي او خوښي به کول . د هر کال پروګرام به نژدې همدا ډول وو .

د لومړۍ برخي پای . نور بیا
پوهنمل حاجي محمد نوزادي 
 

X

به اشتراک بگذارید

Share

نظر تانرا بنویسد

کامنت

پوهنمل حاجی محمد نوزادی

نوشتن دیدگاه

دیدگاهی بنویسید

مطالب مرتبط

پر بیننده ترین مقالات

مجلات و کتب

پیوند با کانال جام غور در یوتوب

دریکی از روزهای پرحادثه ی روزگار که آفتاب از سوراخ ابر های کم پشت به دره می تابید وتابش اشعه ی زرین آفتاب شاخ وبرگ درختان را طلایی جلوه میداد وبر زیبایی های برگ ریزان پاییز میافزود .دره تنگ وکوه ها به ما نزدیکتر بود .راه همه ریگزار وکم عرض بود ،آبادی ها همه به یگدیگر شبیه،بام ها گلی ودیوار ها سنگی وآلونک های ایلاقی از زیر برگ وشاخ درختان سرکشیده بود در چنین روزی من به باغ (کنداخ )که در کناره ی شمالی رود مرغاب از شرق به غرب افتاده رسیدم .سکوت عجیبی بر باغ بال گسترده بود . باغ نشینان (کنداخ ) را رسم است که بادمیدن بهار به این باغ وسیع بساط کشی میکنند وآلونک های از نی وگل وسنگ میسازند وزیر درختان تنومند تخت وصفه برای استراحت میسازند وبه باغ اندرون بر سایه گاه می نشینند وچون مهمان از راه رسد بر صفه می نشیند وخوان می نهند سخت بزرگ از توت وزرد آلو وسایر اطمعه واشربه و خوشی ونشاط بر شاخساران وبه دره می پیچد .تا اول قوس این بساط واین باغ گرم است بعد به قشلاق زمستانی کوچ میکنند وزمستان را به خوشی به امید بهار دیگر میگذرانند . وکیل ۲۹عقرب ۱۴۰۳ چهارسده #ولایت_غور #باغ_کنداخ #چارسده #پاییز_افغانستان #موسیقی_محلی #زندگی_روستایی #طبیعت_افغانستان #دره_مرغاب #گلابی_و_توت #زندگی_کشاورزی #GhorProvince #KhandakhGarden #Chaharsada #AutumnInAfghanistan #LocalLife #RuralAfghanistan #MurghabValley #AfghanNature #TraditionalVillageLife
This error message is only visible to WordPress admins

Reconnect to YouTube to show this feed.

To create a new feed, first connect to YouTube using the "Connect to YouTube to Create a Feed" button on the settings page and connect any account.

گزارشات و مصاحبه ها