آرشیف

منابع محلی در غور می‌گویند که طالبان هشت تن را در پیوند به شکار پرنده‌گان در این ولایت بازداشت کرده‌اند.

منابع روز دوشنبه، ۱۸ جدی می‌گویند که طالبان این افراد را از ولسوالی شهرک ولایت غور بازداشت کرده‌اند.

در همین حال، فرماندهی امنیه طالبان در غور بازداشت این افراد را تایید کرده و گفته است که این افراد «حیوانات کوهی» و «پرنده‌گان» را «به‌شکل غیرقانونی» شکار می‌کردند.

طالبان در حالی شهروندان کشور را از شکار پرنده‌گان منع می‌کنند که هم‌اکنون شیخ‌های قطری در ولایت‌های نیمروز و فراه آزادانه دست به شکار پرنده‌گان نایاب می‌زنند.

چندی پیش نیز طالبان سه تن را در پیوند به شکار پرنده‌گان در ولایت نیمروز بازداشت کرده‌ بودند.