0
1
آرشیف
مخدوم قلی فراغی
داکتر فیض الله نهال ایماق
عزیز دؤستلر !
۲۰۱۲ ییلی، کانادا اولکه سی تورنتو شهریده گی تورکمن فرهنگی انجمنی رییسی محترم غفور چاریار تامانیدن تورکمن شاعری مخدوم قلی فراغی تولدی ۲۷۹ – انچی ییلی مناسبتی بیلن، طنطنه لی ییغیلیش اؤتکزیلدی
بو ییغیلیشده دوکتور فیض الله ایماق ، کانادا ده گی افغانستان تورکی خلقلری فدراسیونی رییسی هم باشقه لر قطاری سؤزگه چیقدی. حاضر توجه لرینگیز نی مذکور بیانات گه جلب ایته میز:
مخدوم قلی فراغی
تیله گینگ بؤلسه گر، الله دن تیله
بالاخص هرعمل سؤنگیدیر، فهیم
هر ایشنی باشله گین، الله نامیدن
بســـــــــــــــم الله الرحمن الرحیم
السلام علیکم محترم تیلداشلر و عزیز مهمانلر!
مخدوم قلی فراغی تولدی 279 ییللیگی مناسبتی بیلن برچنگیزنی چین دلدن مبارکباد ایتیب، بو طنطنه و ییغیلیشنی اویوشتیرگن کاناداده گی ترکمن لر مدنی اویوشمه سی رییسی محترم غفور آغه گه، اؤزمنتدارچیلیگی نی اظهار ایته من.
شونی ایتیب اؤتیشیم درکارکی، بوگون، ترکمن زبردست وخلق قلبی توریدن جای آلگن عزیز و مشهور شاعری، مخدومقلی فراغی تولدی مناسبتی بیلن، بو طنطنه گه اشتراک ایتگن دؤستلر و قانداش لریمیز بیلن دیدار کؤریشیمیزدن بی نهایت ممنون من.
کؤزی عاجز، قلبی یاروغ ونورانی شاعر، رودکی سمرقندی،بیر نیچه عصرمُقَدّم شونده ی دیگن ایدی:
دنیا شاد لیکلری ییغیلسه بوتون
دؤستلر دیداریدن، بؤلالمس اوستین
حقیقتاً شونده ی. مین بوگونگی تیلداش، قانداش دوستلریم بیلن اوچره شیب، ملاقاتده بؤلگه نیم سببلی، اؤزیمنی کؤپدن کؤپ بختیار حسابله ب ، و بونده ی ملاقاتنی ، رودکی نینگ گپیگه کؤره ،
دنیانینگ برچه شادلیکلری، ناز- نعمتلری دن اوستین دیب بیله من.
امید قیله میز ، بؤنده ی دانا، برکمال دؤستلریمیز بیلن اوچره شوولر هردایم بیزگه نصیب ایله سین .
قدر دان مجلس قتنشچیلری !
یوقاریده ایتیب اؤتگه نیمیز دیک، بوگون اولوغ شاعر و ادیبیمیز مخدوم قلی فراغی تولدی 279 ییللیگه برابر. بو مبارک کوننی ، تاریخ بؤیله ب، جهانده گی برچه ترکی خلقلر اعزازله ب کیلگن.
مخدوم قلی فراغی قلمیگه منسوب شعرلرنی ، جهان تورکلری سیویب اؤقیشه دی. بو سیویملی
شاعریمیزنینگ شعرلری، افغانستان، مرکزی آسیا،اویغورستان ، قفقاز ترکلری، ترکیه، و باشقه ترکی زبان مملکتلر خواننده لری تامانیدن موسیقه جورلیگیده هم ترنم ایتیله دی.
مین اؤیله یمنکی، علیشیر نوایی، ظهیر الدین محمد بابر، مخدوم قلی فراغی، فضولی، رودکی و باشقه مشهور شاعرلریمیز بوتون جهان خلقلری، اینیقسه ترکی خلقلریگه معلوم دیر.
کیچمیشده حضرت نوایی، بیدل و باشقه شاعرلریمیز شعرلری، هر دایم ،اینیقسه قیش موسومیده، افغانستانده استقامت
قیله یاتگن اؤزبیک – ترکمن اوروغ ایماقلری تؤپلنگن مهمانخانه لرده اوقیب ایشتتریلر ایدی.
عزیزلر!
فولکلور و آغزه ادبیات نمونه لری، تیللردن تیللرگه ، دللردن – دللرگه اؤتیب کیلگن قدیمی میراثیمیز حسابله نه دی.
عادی خلق ایجاد ایتگن قؤشیقلر، هر دایم چقور اعزاز و اکرام بیلن خلق خواننده لری تامانیدن کویله نه دی.
حاضر توجه لرینگیزنی ترکمن خواننده سی تامانیدن ایتیلگن خلق قؤشیغیگه جلب ایته میز :
ایلینده فراغی – بیدل
میده – میده ، اوقیور
اندخوی جان نینگ غیزلری
عجب قالی توقیور
حقیقتاً فولکلور کؤزگودیر، تاریخدیر ، فولکلورده ، خلق نینگ اؤتمیشده گی فعل- اطواری، تاریخی، باشیدن کیچیرگن خوشلیکلری – ناخوشلیکلری آچیق- آیدین عکس ایتتیریله دی.
یوقاریده گی قؤشیقدن سیزیلیب توریبدیکی،افغانستان خلقی، فراغی و بیدل اثرلرینی و نوایی دیوانلرینی زور شوق- ذوق بیلن اؤقیشه دی. شونینگ دیک اؤزبیک – ترکمن خلقلری اسقامت قیله یاتگن
اندخوی شهری نینگ قیزلری ، سحرلی برماقلری بیلن تؤقیلگن قالین – گلم ، بوتون جهانگه مشهور دیر.
عزیز برادرلر و آپه – سینگیللر !
حاضر ایسه، مخدوم قلی فراغی نینگ بعضی بیر قیسقه شعر اوسلوبیده یازگن حکمتلی سؤزلریدن نمونه لر اؤقیب بیرماقچیمیز .
بو شعرلرنینگ ایشیتگن شخص ، شاعریمیز نیچاغلی اولوغ انسان ایکن لیگی نی توشینیب آله دی دیگن امید ده میز .
غریب لیق، آدم اؤلدیرمز
اؤلدیر سه ده، گولدورمز
یاکی :
غریب لیق، بی اجل آدم اؤلدور مز
اؤلدیرمسه، دیریکلیکده، گولدورمز
مخدوم قلی، سؤزینگ حقدیر
حق سؤزه، تن بیرن یؤقتور
یاد ایللرده، آیرا چیکاندان
اورسه، سؤکسه، خورلاسه ده، ایل یخشی
اقبالینگ اویانسه، دولت یار بؤلسه
داغه آذی اورسانگ ،داشی سیندیرار
طالعینگ ترس گیلسه، بختینگ شؤر بؤلسه
خشخاشینگ سامانی، باشینگ سیندیرار
ینه بیر غزل فراغیدن:
كيمسه گيديپ بارادير
دوستلار بو دنياگه يوقدور اعتبار
كيمسه گليپ، كيمسه گيديپ بارادير
خوش گچير كيمسه‌لر، كيمسه خور و زار
قارا ير بارچاني يووتوپ بارادير
كيمسه‌لر قارري‌دير، كيمسه‌لر ياش‌دير
كيمسه‌لر توانگر، كيمسه غلاج‌دير
محشر ساري بارغان بير اولوغ گوچدور
كينيميزدن اجل يتيپ بارادير
فلك بير بقال‌دير، دنيا بير بازار
كيمسه ياغشي يولدا، كيمسه‌لر آزار
كيمسه‌لر الله‌دان قيلمازلار حذر
كيمسه حق بويروغين توتوپ بارادير
كيمسه‌لر باخشي‌دير، كيمسه ملا دير
كيمسانينگ تيلينده اسم الله‌دير
كلي‌سيندن ياد الله اولادير
كيمسه شيط‌ان سوزون بيتيپ بارادير
مختومقلي اميد اتمك خدادان
يالبارماق ـ گدادان، يالقاماق ـ شادان
نفعي يوقدور، كيم سانگا ماسواالله‌دان
كيمسه گونين، كيمسه ياتيپ بارادير
عزیز برادرلر و آپه – سینگیللر !
مخدوم قلی فراغی تولدی طنطنه سی بیلن برچنگیزنی ینه بیر بار صمیمی تبریکله ب ، اولوغ شاعریمیز روحینی شاد و یاتگن جایینی ایسه، فردوس بیرین و جنت مکان بؤلیشینی یره تگندن سؤره ب قاله میز.
دکتور فیض الله نهال ایماق
به اشتراک بگذارید
Share
نظر تانرا بنویسد
کامنت
1
مطلب را پسندیدید؟
لایک
0
مطالب مرتبط
پر بیننده ترین مقالات
مجلات و کتب
پیوند با کانال جام غور در یوتوب
Reconnect to YouTube to show this feed.
To create a new feed, first connect to YouTube using the "Connect to YouTube to Create a Feed" button on the settings page and connect any account.
صفجه جام غور در فیس بوک
Problem displaying Facebook posts.
Type: OAuthException
Subcode: 460
گزارشات و مصاحبه ها
-
قاری رحمت الله بنیان گزار گروه داعش و سرکرده گروه طالبان ولایت غورطی یک عملیات نیروهای امنیتی افغان در ولایت فاریاب کشته شد
-
کارگاه سه روزه آموزش حقوق بشر و حقوق بشردوستانه برای نیروهای امنیتی و دفاعی در ولایت غور
-
گرامیداشت شانزدهمین سالروز تأسیس کمیسیون مستقل حقوق بشر افغانستان در ولایت غور
-
امضاء تفاهمنامه نشر برنامه های حقوق بشری با چهار رادیو در ولایت غور
موفق باشید جناب ایماق !