آرشیف

اؤزبیکلر آره سیده نقل قیلینیشیچه، یازی، فاریاب ولایتیگه قره شلی المار شهریده دنیاگه کیلگن . یازی زیبا دیگن قیزگه عاشق بؤلیب، اونینگ هجریده یانیب، عاشقانه شعرلر ایته دی. یازیگه نسبت بیریله دیگن عاشقانه تؤرتلیکلر هنوز گچه اؤزبیکلر خاطره سیده سقله نیب کیلماقده.

بولر « سوزوان» یاکه « سبزمن» قؤشیغی دیب اتله دی. بو قؤشیقلر، قالین تؤقیلگنده، سوملک قینتگنده، یا که چرخ ایگیرگنده خاتین – قیزلر تمانیدن اؤزیگه خاص آهنگ بیلن ایتیله دی.

روایت قیلیشلریچه، زیبا فاریاب ولایتی نینگ گل جان صیاد قیشلاغیده دنیاگه کیلگن. آته سی نینگ اسمی قبچاقلیک ملا آرتیق بؤلگن، دیدیلر .

بو عاشق – معشوق، منسوب قبیله لر اؤرته سیده موجود بؤلگن ماجرا و نزاعلر سببلی یازی بیلن زیبا وصال شربتینی تاتالمه ی عالمدن اؤته دیلر.

‍یازی زیبا نینگ هجریگه برداش بیرالمی اؤزینی اؤلدیره دی. اونیگ جسدی المار ده گی قرایی تاغی یقینیده گی قبرستانگه دفن قیلینه دی.

 زیبا یازی نینگ اؤلگه نیدن خبر تاپیب، دوگانه لری بیلن اونینگ قبرینی زیارت ایتگنی باره دی. زیارت قیلیب، قیشلاققه قیته یاتگنده، زیبا دوگانه لریگه« بیر پای کاویشیم قبرنینگ یانیده قالیبدی» دیپ بهانه قیلیب، یالغیز اؤزی یازی نینگ قبری اوستیگه قیتیب باره دی و باشینی کتته بیر تاشگه اوریب اؤزینی اؤلدیره دی.

عمکیسی نینگ اؤغلی هم زیبا نی سیور ایدی. او بو فاجعه دن خبر تاپیب : « مینی زیبا بیلن یازی قبری اؤرته سیگه کؤمینگلر» دیب وصیت قیلیب ، او هم اؤزینی اؤلدیره دی. کیین اونینگ وصیتی بجا کیلتیریله دی.

کمینه « ایماق»  سبزمن  تورتلیکلری نی  ییللر بؤیله ب،  اؤزبیک خلق آغزیدن یازیب، ۲۰۰۳ – انچی ییلی تاشکینت نینگ شهریده بیر مینگ نسخه ده ،«سبزمن» عنوانی آستیده چاپ ایتتیریب، اونی افغانستان خلقی اختیاریگه قؤیه دی.

کمینه  ۲۰۰۴  – انچی ییلی  ینه بیر ینگیلیکه قؤل اوردی. او هم بؤلسه، مذکور سبزمن کتابیدن  اینگ  یخشی سوزوانلرنی تنله ب، تورمیش اؤرتاغیم انابت جان ایماق بیلن بیرگه ، سبزمن قؤشیقلرینی تاشکینت خلق ارا رادیو سی ستدیو لریده دکلمه قیلیب ( سی دی ) حالیگه کیلتیره دی.

حاضر انه شو  ( سی دی )  قؤشیقلری ، اعتبارلرینگیزگه حواله بؤله دی.

مرحمت تینگلنگ :

https://www.youtube.com/watch?v=KSsKyUHfNvg