آرشیف

خلق در دانه لری

تؤی مراسمیده ، خاتین – قیزلر تامانیدن ایتیله دیگن قؤشیقلردن بیری « اؤلنگ » دیر.

حاضر اولنگ نمونه لری اعتبارلرینگیزگه تقدیم بؤله دی :

قیزیل – قیزیل خورازلر خرمن ساچر های اؤلنگ

قیز کؤرمه گن ییگیتلر، تنگه  ساچر های  اؤلنگ

اؤلنگ – اؤلنگ جان اؤلنگ، اؤلنگ کؤپدیر های اؤلنگ

اؤلنگ  بیلگن    تیلینگدن،  مینگه  اؤپتیر  های   اؤلنگ

چیمیلیغینگ آرقه سیده ، شیلدیر شاووقین  های اؤلنگ

آتنگ قؤشگن قؤش بازوتگه، کیلدی ذوقیم های  اؤلنگ

چیمیلغینگ  چیب چنار،  بؤیینگ چنار،  های  اؤلنگ

بؤیینگه کؤز تیگمه سین، آله ی  طومار،  های  اؤلنگ

کیلین کیلگن حویلینی اؤرده دینگلر، های اؤلنگ

آت باغلنگن  قازیقنی،  طلا  دینگلر، های اؤلنگ

ایککی قوده  – بیر – بیریگه تؤی بیره دی، های اؤلنگ

ایککی قوده بیر – بیریگه  قؤی  بیره دی  های اؤلنگ

تؤیخانه نینگ  اؤتینی،  ارچه   ایمیش   های  اؤلنگ

کیلین جان نینگ کؤیله گی پرچه ایمیش های اؤلنگ

تؤیخانه نینگ اؤتینی، یولغین ایمش های  اؤلنگ

کیلن کیگن کویله گی، گلگون ایمیش های  اؤلنگ

دوکتور فیض الله نهال ایماق