آرشیف

د "لار او روښنایی" حرکت چې د تیرې جمعې په سهار پیل شو د هرې ورځې په تېرېدو يې پلویان او لارویان مخ په زیاتېدو دی.
نن دوشنبه، د غور ولایت له بېلابېلو سیمو څخه ښځو، د ښوونځيو زده کوونکو، دولتی او نا دولتي ادارو کارکوونکو، شاوخوا کلیو او بانډو اوسېدونکو د "لار او روښنایی" حرکت سره یوځای پر خپلو غوښتنو، چې سړک او برق، دی ټینګار وکړ.
یادو ډلو د سوله ییز لاریون په ترڅ کې د برق او سړک شعارونه په ورکولو سره وايې: که مرکزی دولت د غور میشتو پر غوښتنو غَور ونه کړي دوی به ټولې دولتي ادارې وتړي او له مرکزي دولت سره به پرېګون اعلان کړي.
د "لار او روښنایی" حرکت چې څلور ورځې وړاندې د یاد ولایت په مرکز، فیروزکوه ښار، کې د مرکزي دولت د نه پاملرنې په غبرګون کې پيل شو، د کابل، هرات او نورو ولایتونو په ګډون ګڼ شمېر خلکو او سیاستوالو له هرکلي او ملاتړ سره مخ شو.
 
دوشنبه د ۱۳۹۶ کال د لړم ۲۲مه چې د ۲۰۱۷ کال د نوامبر له ۱۳ مه
نویدالله پژواک
جام غور ویبپاڼه