آرشیف

چینغیراققه گـُل آسیب ، کیلین کییاوگه مناسب، 

کیلین–کییاو گه بیر سلام!

گردنی آش تخته ده ی ، ساقـالی آق پخته ده ی،

گوررینگ بایگه بیر سلام!

کـیسه سـیـده خُـرمـا سـی ، کؤزیده بار سُرمه سی، 

لعلی بایگه بیر سلام!

چیننی گه گل قؤیدیرگن ، الماس گه جان ایندیرگن، 

پتره سازگه بیر سلام!

دروازه سـی گـوم ایتگن ، آوازه سـی روم کیتگن،

سواد سیزگه بیر سلام!

ماشین لری شقیر لر، کاووش لـری تَقیرلـر،

خــیاط خـانــگه بیر سلام!

بـرمـاغـی زووالـه دیک، ایـاغـی گیلمالـه دیک،

الـوَستیگـه بیر سلام!

تامده یاتگن پاده ده ی، ایککی لینگی خاده ده ی،

لینگ دراز گه بیر سلام!

یؤرگن قری بؤری ده ی، آغزی تام نینگ تؤری ده ی،

سودخور بایگه بیر سلام!

قـیـزیـل طلا خـرجلـه گـن، تؤیگـه طلا صرف له گن،

بابا سیگـه بیر سلام!

دروازه گه دپ بیر گن، اوچ اولوس گه گپ بیرگـن،

تاغـه سیگـه بیر سلام!

اؤلـتیریشــی پیتاب ده ، ایکـکـی کـؤزی کتاب ده،

اَبــه سیگـه بیر سلام!

آق مسجد پنجــره ســی، ییگیت لـر شجـره سـی،

آتـه سیگــه بیر سلام!

آقدیوال نینگ پرده سـی، خاتین لر سرکرده سـی،

بووسـی گـه بیر سلام!

اله قاپ نینگ بورجیده ی، شلپنگ قولاق گورجی ده ی،

دایـه سیگـه بیر سلام!

هنگره ده گی پخالده ی، یوگوریب یورگن شغالده ی،

اوی لاو  سیزگه بیر سلام!

زلفیگه گل لر آسگن، اویی پوپه نک باسگـن،

سان سـیز قـیزگـه بیر سلام!

تاقیچه سـی پوپَکلیک، ایگنه لـری ایپک لیک،

ایـرکـه قـیز گـه بیر سلام!

***

دکتور فیض الله نهال ایماق