آرشیف

معرفی کتاب:خلق دردانه لری ( در دانه های خلق) نمونه های از ادبیات عامیانه ی اوزبیکان افغانستان

مولف :  دکتور فیض الله نهال ایماق

(دُر دانه های خلق)

یازیب آلووچی و نشرگه تیارلاووچی : 

دوکتور فیض الله نهال ایماق 

السلام علیکم  فولکلور قوشیقلری شیدالری !

اینگ اولا، سیزگه بخت – سعادت، وکتته دن – کتته آمدلر آرزو قیله میز.

 بو صحیفه ده، افغانستان اؤزبیکلری نینگ تاریخی قؤشیق لری، باله لر فولکلوری ، شونینگ دیک مراسم فولکلوری نمونه لری، ایرتکلر، داستان قؤشیقلری، ضرب المثللر، تاپیشماق لر اؤرین آلگن . اوشبو صحیفه نی مطالعه قیلگن کیشی دینگیزبؤییگه باریب قالگن دیک حس ایته دی اوزینی . جوش اوریب تورگن دینگیز بؤییده خیال سوریب تورگن آدم، بی اختیار تؤلقونلر نینگ حاصل بؤلیش یؤللری حقیده اؤیله یدی . بونینگ بیرینچی سببی، دینگیز نینگ موجود لیگی، کیینگی سببی، آب و هوا تاثیری . فولکلور خلق قلبیده گی دینگیز گه اؤخشه یدی . او « اجتماعی بویورتمه » گه قره ب، موج له نیشی یا که تولقونله نیشی یا که توزغیرگن ارسلان دیک کوککه سبچیب، حمله قیلیشی ممکن . اما او- کؤرسه ته دیگن معجزه لرنینگ یگانه منبعی  سوو.عینی شو امکانیتدن توغیله دیگن طبیعی حادثه لرنینگ رنگ رنگ به رنگ لیگی عقلنی لال قالدیره دی. 

بیر قره سنگیز، فولکلور نمونه لری عصرلر بؤیی بیر یؤلده، بیر تیکس آقیب کیله یاتگنگه اؤخشه یدی:

مضمون و شکل اؤشه، وزن، کیفیت ، آهنگ – اؤشه…

علیشیر نوایی حضرت لری « میزان الاوزان » رساله سیده مثال گه کیلتیرگن خلق قؤشیغی نمونه سیگه اعتبار بیرینگ : 

قیسی  چمندین  ایسیب  کـیلدی  صبا ،  یار- یار

کیم  دمیدین  توشتی  اؤت  جانیم  ارا ،  یار- یار

شو بیتگه قؤییده گی :  

اندخوی جانده اؤت یاقسم ، بلخ ده توتون یار- یار

بـو   دنـیـا   ده   بـار   مـیکـن،  بـغـری   بـوتـون   یار- یار

بــو  دنــیــا   ده  بــار   بؤلسه،   بغری  بوتون    یار- یار

قاغزدن    قازان    قـیلـه ی،   گـُـلدن    اؤتـین  یار- یار

قوشیغی آهنگی، شعری توزیلیشی و وزنی ماس کیله دی.

طبیعی که جهان ده گی برچه خلق لر، جمله دن افغانستان تورکتبار خلقی نینگ قلب لری هم وطن پرورلیک، محبت، ایرک سیورلیک، مردلیک، عدالت، دؤست لیک، تینگلیک، تینچلیک، بخت – سعادت، آزادلیک تؤیغولری بیلن تؤلوغدیر. منه شو معنوی توکیسلیک اولرگه گوزه ل فولکلور نمونه لری یره تیش اوچون سرچشمه بؤله دی . حاضر انه شو فولکلور نمونه لرینی سیز عزیز دؤستلریمیز علاقمندلریگه تقدیم ایته میز .

ادامه مطلب در اینجا