آرشیف

دباچاخان رحمه الله علیه د عدم تشددبې رویه او نادرست فهم،  د پردو  نادرسته مداخلې  او دسایس،  د افغان  تپل شوي رهبران،  سیمه کې  له دغو نه ناوړه  ګټه اخیستل،   او زمونږ خپله کم کارۍ ، دا او د ېو شمېر ملتونواو په راس کې د افغانانو د اسارت لاملونه دي چې باید اوباید ورباندې سمه کره کتنه وشي! 

زما د اسارت او قربانۍ لامل ، زما د فقر او غریبۍ لامل  افغانیت  او پښتونولي او یا د ارزشونو کمښت نه  دی!     لاملونه یې دا دی چې عمل کې د افغانیت او پښتونولۍ خواص او صفات مو د لاسه ورکړي او له دین نه فهم خطاء او دېن مو په ظاهر کې قبول خو پر محتوای یې یا خبره یو او یا پرې نه پوهېږو او  یا نیمچه فهم لرو! 

فقیر نه ېو، طبعي شتمنۍ او معدنیات لرو خو د بل په خدمت کې دي! 

 د دیموکراسۍ او آزادۍ نه مو هماغه مبتذل شیان خپل کړه او د مسایل درست انځور او فهم لا نه لرو! 

که دیموکراسي د خلکو حاکمیت وي چې دی، نو د افغان  ملت خو مسلمان دی، نو زما انتخاب خو اسلام او د اسلام د ارزشونو سره سم ژوند دی! داسې فهم کله سیکولار نظام منلای شي او زما دیموکراسي همدا زما  د ملت اعتقاد او ایمان درست فهم او تطبیق او د ملت د غوښتنې سره سم عمل دی! دا ملت،  ملا، عالم، مخکښ لري او دوی به ملت ته د درست انتخاب منطق او دلیل وړاندې کوي او ملت به په همدې چوکاټ کې همه شموله، د ملت د ريښتنې ارادې پر بنیاد مشروع حاکمیت او برنامه محوره ، مشروع سیاسی قدرت ایجادوي! 

 هلته چې ۲۰ کاله د پردي هېواد په زور افغانستان کې حاکمیت نصب او عملي شو، هغه چې وزیر د آب او برق شو، نو ښکاره ده چې د خپل ۱۲ کلن د آب او برق وزارت په موده کې به ېوه د بند او برق پروژه جوړه نه کړي چې زمونږ همسایه، هغه چې دی یې په قدرت  رسولای، جوړه کړي! 

مونږ باید په عمق د قضایاو ځان پوه کړو او عمل وکړو! 

او هو دلته د رهبرانو د ایجاد او یا د چا نفیه بحث نه دی او نه یې دا وخت دی! نن باید زمونږ تمرکز د نجات او له بحرانه د وتلو نسخو باندې متمرکز وي! دا فکر رهبر وټاکه او بیا هغه پوه شه او د هغه کار شي چې په چا مو پلوري، درسته روش او درسته لاره نه وه او نه ده! 

نو باید په حال راشو او پر حقایق ځان پوه او عمل وکړو! 

حق ورکول کېږي او عدم تشدد د باچاخاني د ملت د اسارت لامل دی. اسلام پسیفست او غیر فعال دین نه دی! د قلم او ټوپک معقول او پر ځای چلول د الله تعالی د هدایاتو سره برابر دی. 

و من الله التوفیق 

داکتر ص سعیدی 

۲۶/۵/۲۰۲۵

۰۰۴۴۷۸۸۶۴۷۴۶۳۸