آرشیف

گر  بؤلاسه  سینما  توصیفی  بیل

قیسی بیر وصفین ایتر بیچاره تیل

سینما   دیر،  رهنما  و  راهبر

سینما دیر کور گزر یول بشر

سینما کؤپ نرسه لر ایلر بیان

سینما،  پوشیده  لر  ایلر عیان

سینما دیر، جای تفریح و طرب

نی  که  جای  جاهلان و  بی ادب

ساده  لوح ،  بیلمس   فلملر  قدرینی

اهمیت بیر مس، که اندین حرفی نی

مردم جاهل، نه بیلسین قدر علم

راه   گمدیر،   راه   گمدیر،  راه  گم

آدمیلر  ایش   قؤلیدن  خسته  دیر

خسته لیغی اؤز ایشیگه، بسته دیر

روز و شب، بیکار تورمس هیچ کیشی

کار    دماغی    و   جسمی  ،   ایتمیشی

بیرته   میز،  خیاط  ایرور  ،  کالا تیکر

دؤستیمیز کؤپ، اول تورر، کالا بیچر

بیرته  میز  وظیفه  سی،  خراطلیک

ینه  باشقه  میز،  ایتر  بنجاره  لیک

فرقه  میز  بار  اول  اؤزی ،  زرگر  تورر

طایفه لر کؤپ، اول بیلینگ مسگر تورر

کاتبین    و   ،   مامورین     و  ،  معلمین

خسته دورلر ایش بیلن، شول مسلمین

هیچ کیم یؤق، دنیا ایچره، بیحزین

بی  حزین و،  بی  حزین  و ، بی حزین

کاش بؤلسه، دافع شول درد و غم

سینما  دور،  سینما  دور،  بیل بلم

ایله گیل « ایماق » دعای بیشمار

سینما  بؤلسین ،  همیشه   برقرار

نوت 😂

ایلک بار اندخوی نینگ قورغان شهری ده سینما

نمایش ایتیلگنده، اوشبو شعریم نی سینما میکروفونی

. آرقه لی  دیکلمه قیلدیم

ایماق

باغبوستان ، قورغان ، اندخوی

 1336  – ییل

جدی آیی 

 داکتر فیض الله نهال ایماق